MVA charity match a hlawhtling

Mizoram Volleyball Association chuan khuarel chhiatna tuarte pualin Zirtawpni zan khan Charity Volleyball Match leh Event chu LPS Arena, Falkland Vengah a buatsaih a, ngaihhlut a hlawh hle.

MVA chuan Thutak Nunpuitu Team (TNT) leh Tuichangral an inkhelhtir a, tualchhung player hlang inkhel hmuhnawm takah TNT hian 3-2 in hnehna an chang.

MVA president Lalmalsawma Nghaka chuan, "Mizo nih a nawmzia a lang zual ṭhin hle mai. A bik takin chhiat tawhna a thlen hian hnam dang, hnam changkang inti zawkte aiin Mizo nih hi a thlamuanthlakin a thlanawm daih zawk a ni.

"Kan ṭhalai rual duhawm tak takte hian ṭanpui ngaite tanpui turin an thiam thil mipuite tan hlan an hreh lo mai ni loin an phur hle tih a lang chiang hle mai.

"Ṭanpui ngaite ṭanpuina tur sum a rawn lut mek zel a, kan inchhut fel zawhah a bo a bang awm loin khuarel chhiatna avanga nunna chân te, in leh lo chân te leh harsatna tawk mekte tan a bo a bang awm loin hlan vek tur a ni.

"Mizoram Volleyball Association hi pawl tlawm tê, theihna ropui tak nei lo kan ni tih kan inhria, mahse Pathianin min hruai ve zel a, engkim hma kan lak dawna ṭawngṭaina nen Pathian kaihhruaina dil chunga lungrual taka ke kan pen ho theihna hian rah duhawm a lo chhuah leh ṭhin a ni," a ti.