Taekwondo inelna zo fel

Mizoram State Sports Council Golden Jubilee lawmna - Mizoram Taekwondo Championship chu zawh fel a ni a. Aizawl Taekwondo Academy chuan point 2731 hmuin a vawi nga nan an champion.

Mizoram Official Taekwondo Championship hi vawi 26-na niin, Mizoram Poomsae Taekwondo Championship erawh vawi 18-na a ni thung. Aizawl Taekwondo Academy, Electric Veng an chungnung a, anmahni hnaih bertu Exodus School Taekwondo Club chuan point 1899 hmuin pahnihna an ni.

Pathumna Republic Vengthlang Taekwondo Club chuan point 1632 hmuin Best Fighting Spirit Trophy an dawng bawk. Palina Sports Authority of India (SAI) chuan Most Promising Trophy an dawng a, pangana Hnamte Taekwondo Club, Venghnuai chuan Best Discipline Team Trophy an dawng bawk.

Kyoguri huangah Aizawl Taekwondo Academy an champion a, Sports Authority of India te pahnihna niin, Hnamte Taekwondo Club te pathumna an ni. Poomsae inelnaah Exodus School Taekwondo Club chu champion-in Republic Vengthlang Taekwondo Club te chu pahnihna an ni a, MZU Campus Taekwondo club te chu pathumna an ni.

Mimal lawmman ngaihhlut Best Kyorugi Fighter mipa leh hmeichhia chu Lalruatdika (SAI) leh Esther Vanlalhumhimi, ATA Electric Veng ten an dawng. Best Poomsae Performer atan Daniel Lalhumthanga, Gidae Taekwondo club leh Mary Rolawmsangi (Assam Rifle Taekwondo Club) te an ni bawk.