NBA Finals: Nomawi chawi hun

Tukin zing dar 5:30 hian Oklahoma City Thunder leh Indiana Pacers ten Paycom Center-ah NBA Finals game 7 an khel dawn a, heta chak zawk hian nomawi an chawi tawh ang.

Thunder leh Pacers te an inkhel tawk a, chak tur pawh hriatthiam a har hle. Game 6-ah Thunder-in hnehna chang se, nomawi chawi thei tur an ni a. Mahse, Pacers-in 108-91 in hnehna an chang ta zawk.

Paycom Center hi Oklahoma City Thunder stadium a ni a, entu 18,203 chauh an leng. Stadium a khat ṭha dawn a, Thunder ṭantute thawm a ring dawn.