July 1-ah Mizoram XCO 2025

Mizoram Cycling Association (MiCA) chuan July 1, Thawhlehni hian Thenzawl AH&Vety Farm-ah thirsakawr intlansiak 'Mizoram XCO 2025' a buatsaih dawn. Inelna hi state-level championship a nih bakah national inelnaa Mizoram aiawh tur thlanna hmahruai a ni nghal dawn a ni.

Inelna chi hrang pathum Elite (Open), Junior (kum 19 hnuailam) leh Masters (kum 40 chunglam) te thliar hran an ni ang. Kilometre 3.5 a thui tlan kawngah hian fur lai a nih angin - kawng diak leh nâl bakah lei thil leh pâtêk awmnaah te, chhuk leh chho, kawi bung nghut maiah te an tlan dawn.

Khawchin a zirin tlan kual zat tur hi a danglam thei a, tuna ruahman dan chuan Junior leh Master tan vawi nga leh Elite tan vawi riat 8 hel kual tur a ni ang. Lawmman dawng pha tur chuan thiamna leh theihna sang tak lantir a ngai dawn a ni.

Category tina champion te tan champion's jersey a hlan dawn a, cycling thawmhnaw leh bungraw siamtu company lian, MiCA thawhpui NAC bultumin Hamper Prize a la awm dawn bawk. Hei erawh category tina medal la te dawn tur a ni a; intihsiaka tel zawng zawng te hnenah NAC kutchhuak 25% discount voucher pek a ni thung ang.