Swiatek dinhmun hniam zel

World number 1 a ni reng ṭhin a, mahse season hmasa chawhnu lam aṭang khan Iga Swiatek tan kawng a eng hleithei rih lo. Women's Tennis Association (WTA) ranking thar berah pawh a tawlh hnung leh hret a, pariatnaah a la inhamtang hram.

Polish nula hi nikum khan thla khat chhung hram a ni, a hnuah inkhel pangngai leh mah se tun hma lama a boruak ang kha a la nei phak lo. Clay court a hmang ṭha lo a, tunah grass court inelna a la hmachhawn leh rih lo bawk a ni.

A chunga bera awm Aryna Sabalenka leh a hnuaia mi te pahnih Coco Gauff leh Jessica Pegula te an che sawn lo a, anni pathum dawtah hian Zheng Qinwen a awm - Chinese nula hian Queen's Club Championship khelh zawh takah khan semifinal a thleng, tunah hian a ranking san lai ber a tawng chho bawk.

Tatjana Maria chuan nasa takin hma a sawn - Queen's Club champion hian player 43 ngawt a kalkan a, tunah chuan world number 43 a ni ta bawk; kum 37 mi tan chuan chanchin lawmawm bik a ni ngei ang.