Chelsea an chak nghal

Club World Cup-a an match hmasa berah Chelsea chuan 2-0 in Los Angeles an hneh a, Pedro Neto leh Enzo Fernandez ten goal khat ve ve an khung.

Chelsea tan Ipswich Town aṭanga pound maktaduai 30-a an lak, Liam Delap chu minute 64-naah luhtir niin, a khel chhe lo - Blues ṭantute lung a dum ang.

Blues tan Pedro Neto chuan minute 34-naah goal hmahruai a khung a, Enzo-a'n minute 79-naah a belhchhah - Delap-a siamsak a ni a, US club lamin a chhanletna tur an nei lo.

LAFC tan hian Chelsea striker hlui Olivier Giroud leh Tottenham Hotspur goalkeeper hlui Hugo Lloris te an inlan a, MLS club hian Denis Bouanga leh David Martinez hmangin chance nei ve mah se, an chhawr lo.

Blues tan Delap bakah Sporting Lisbon aṭanga an lakluh Dário Essugo pawhin a match hmasa ber a khel a, Zirtawpni zanah Flamengo chu CWC-a an match hnihna turin an hmachhawn leh ang.