Medvedev leh Tsitsipas an chak

Wimbledon inbuatsaihna zinga mi Halle Open khelh mek a ni a, player langsar Daniil Medvedev leh Stefanos Tsitsipas te chuan an match hmasa berah harsatna tawk loin hnehna an chang.

Russian tlangval Medvedev hian tualchung player Daniel Altmaier chu 6-3, 6-3 in a hneh; kar hmasa lama a khelh ṭhat tawk lohna siamṭhat tumin hma a la mek, a match lehpekah chuan Quentin Halys nen an intawng dawn.

US Open champion hlui Medvedev hian season a hmang ṭha lo - Grand Slam hmasa pahnih Australian Open leh French Open-ah te a thleng sang lo a, kumina Grand Slam pathumna Wimbledon atan a inbuatsaih chho mek a ni.

Inkhel dangah Stefanos Tsitsipas chuan Luciano Darderi chu 6-4, 3-6, 7-6(5) in a hneh. Greek tlangval Tsitsipas hi kum 2018 hnua a vawi khat nan tournament a khelhah seeded a ni phak lo, ani pawh hian insiamṭhat a mamawh hle.