YMA branch pahnihin in saksak

YMA, Zemabawk North Branch leh ITI Veng Branch chuan kumina YMA Day pualin an huam chhungah khawsak harsate chenna tur in an saksak.

ITI Veng Branch chuan YMA Day thilpek atan chenna in awm sa an sak ṭhatsak a, June 14, Inrinni zing khan Central YMA president Lalhmachhuana'n a hawng.

Zemabawk North Branch YMA chuan an venga hmeithai pakhat in an saksak a, a dung ft. 12 leh a vâng ft. 18-a zau a ni. In sakna atan an veng mi K Lalpianthanga'n Rs. 1,10,100 a thawh a, YMA sum an hman bakah, YMA branch hruaitute leh mimal eng emaw zatin pawisa an thawh bawk a; in sakna atan Rs. 2,71,689 an sêng a ni.