Sir David Beckham a ni ta

Football icon, David Beckham chu UK lal, King Charles III chuan an ram huna Inrinni khan sports leh charity lama a thawh hlawk avangin chawimawina, knighthood nihna a hlan a, Sir David Beckham a ni ta. A nupui, Victoria Beckham pawh Lady Beckham tih a ni tawh dawn a ni.

King Charles piancham puala mipa, knighthood hlan hi mi 21 leh hmeichhia, damehood hlan hi mi 21 an ni a, an zingah hian actor Gary Oldman bakah singer/actress Elaine Paige leh novelist Pat Bakrer te pawh an tel. Kum 50 mi, Britain lal chhungkaw thlawptu leh ngaisangtu, Sir David Beckham chuan a chawimawina dawn chu a chhuang takzet tih a sawi. Kum 2003 khan Officer of the Order of the British Empire (OBE) atan ruat a lo ni tawh a, 2005 khan Unicef ambassador niin, nikum khan The King's Foundation ambassador atan ruat a lo ni tawh bawk.