Spurs-in Mbeumo an ngaihven

Tottenham Hotspur chuan Brentford aṭangin striker Bryan Mbeumo lakluh an tum - Spurs hian Bees hi an manager Thomas Frank an lo laksak tawh bawk a ni.

Cameroon international Mbeumo hian Premier League season hman zawh takah khan goal 20 a khung a, nipui bazarah club ṭhenkhat nen sawi zawm a ni - Manchester United nen pawh thawm an nei hman.

Man United hian pound maktaduai 45 senga lakluh an tum a, a man zat hi pound maktaduai 10 danga pung leh thei tura tih a ni, mahse BBC tarlan dan chuan indawrna hi tun thla tir khan kalpui a ni tawh a, tun thleng chuan inremna erawh a la awm lo thung.

Spurs pawh hian Mbeumo lei dilna hi an la thehlut chiah lo, lak chhuah an duh a nih chuan pawisa pawh an insen huai a ngai dawn tih a chiang a, nipui bazar ti ngaihnawmtu an ni zel dawn niin a lang.

Mbeumo hian Bees tan kum khat daih contract a nei mek a, season khat dang atan pawhsei leh theih tura tih a ni bawk - kum 2019 khan Ligue 2 club Troyes aṭangin London club hi a zawm a, match 242 a khelh aṭangin goal 70 a khungsak tawh a ni.

Europa League champion Tottenham hian season tharah Champions League an khel dawn, nomawi chawi puitu Ange Postecoglou ring zo loin Frank an lalut a ni a, team ṭha zawk din theih inbeiseina nen hma an la mek.