Medvedev a chak lo

Daniil Medvedev tan clay court bakah grass court hi chu inkhelh a harsa a ni. Wimbledon inbuatsaihna zinga mi Libema Open semifinal-ah Medvedev hi player hriat hlawh lo Opelka lakah a chak lo.

Russian star Medvedev hi seeded pakhatna a ni a, tournament khelh laiah hian champion tura rinkai a ni bawk. Mahse, world number 87 Reilly Opelka lakah hian 7-6(5), 7-6(5) in a chak lo zawkah a ṭang.

Medvedev hi hard court-ah chuan player ṭha berte zinga mi a ni a, kum 2021 khan US Open nomawi pawh a chawi tawh. Mahse, clay leh grass-ah inkhelh a harsat ṭhin hle a, atan ranking sang neih a harsat bakah nomawi chawi tam a harsa bawk.