Italy enkawl tur Gattuso

Gennaro Gattuso chuan an ram Italy team enkawl hna a thawk ngei dawn niin a lang ta. Italian football federation (FIGC) manager Gianluigi Buffon chuan coach thar atana Gatusso an ruat tur thu hi a sawi a ni.

Azzurri hian an coach Luciano Spalletti chu kum hnih an rawih tlin hmain an ban a, team enkawltu dang an zawng mek. Player a nih laia Italy tana match 73 kheltu Gattuso lam an hawi a, hun rei lo te hnuah an ruat fel ang.

Italy team manager Buffon chuan, "President leh a thawhpuiten ngun takin kan ngaihtuah a, kan ram tana ṭha ber tura kan ngaihin thutlukna kan siam ang, heun rei lote hnuah chuan a chiang mai dawn a ni," tiin a sawi.

A tirah chuan Italy hian Claudio Ranieri lakluh an duh ber, mahse Italian manager hian Roma special advisor ni turin thutlukna a siam fel tawh. Ani bakah hian Stefano Pioli, Daniele De Rossi leh Fabio Cannavaro te chu buk an ni bawk.

Buffon leh FIGC President Gabriele Gravina te bakah Gattuso hi an inhmu ang a, tunah chuan a contract rei zawng leh a hlawh tur sawi fel chu an hmabak a ni.

Nakkum maiah World Cup khelh a ni dawn, vawi li champion tawh Italy hian team nghet leh ṭha tak din tumin hma an la mek.