Raducanu a inhnukdawk

Tun hnaia rawn khel ṭha chho leh mek Emma Raducanu chuan chawlh lak lailawk a duh a, tun kar chhunga khelh tur Berlin Open aṭangin a inhnukdawk.

Kum 22 mi Raducanu hian Queen's Club Championship-ah quarterfinal a thleng a, tun kara ranking chhuak tharah chuan British number 1 a ni ang, tun hma lama a boruak la phak chiah lo mah se a insiam ṭha chho mek a ni.

US Open champion hlui Raducanu chuan, "Tun hnaiah ṭha takin ka khel ve leh tawh a, chutihrualin ka hnungzâng na vangin harsatna ka nei, tunah chuan chawlh lailawk ka mamawh a ni," tiin a sawi.

A tirah chuan Raducanu hian Nottingham Open aiin Berlin Open hi khelh a thlang zawk a, amaherawhchu harsatna a neih avangin a inkhel thei dawn ta lo.

Tunlai hian Wimbledon inbuatsaihna tournament tenau zawk hrang hrang khelh mek a ni a, June 30 aṭangin grass court inelna lian ber hi All England Club-ah an khel zui leh ang.