Serchhip-ah AIFF 'D' Licence Coaching Course

Mizoram Football Association buatsaihin AIFF 'D' Licence Coaching Course chu June 5, Thawhṭanni aṭang khan Serchhip-ah neih ṭan a ni a, June 14, Inrinniah a zo ang.

Course instructor hi R. Lalruatfela (AIFF Coach Instructor) a, Kolasib tlangval R-a ho hian Saitual-ah April 28-3 May, 2025 chhung khan AIFF D Certificate Course hi neih a ni tawh bawk. Tun ṭumah hian Lalhlupuia Hauhnar chu co-ordinator a ni.

AIFF 'D' Licence Coaching Course hi Serchhip DFA chuan a thleng a, candidate mi 25 an awm. Candidate zingah hian I League leh Santosh Trophy-a Mizoram champion puitu Lalṭanpuia (Ṭ-a), R. Laldanmawia leh Malsawmkima Chhangte te an tel a, tualchhung football-a tawnhriat nei ṭha Thomas Lalengkima leh Samuel Laltlanthanga te an tel bawk.