Dortmund-in Bellingham la dawn

Borussia Dortmund chuan Sunderland aṭangin Jude Bellingham unaupa Jobe Bellingham an la lut dawn a, a man zat turah an inrem tawh - German club hian pound maktaduai 26.96 an pe phawt ang a, a khelh ṭhat dan a zirin £4.2mtd an pek belh ang.

Kum 19 mi midfielder hi Dortmund hian an hralh a nih chuan an hralhna aṭangin 15% chu Sunderland an pe ve bawk ang. Jobe hi European club hrang hrangin an thlithlai nia sawi a ni a, a tawpah chuan a unaupa khelhna ṭhin Dortmund-in an chang

Jobe Bellingham hian Sunderland hi kum 2017 hnua a vawi khat nan Premier League a hruai thleng a, season hman zawh takah khan match 43 a khel a, goal li khungin, assist vawi thum a nei - Championship Young Player of the Year-ah thlan a ni.

England youth inter-national hi Birmingham City aṭanga inzir chhuak niin, season hnih a khelh hnuah, kum 2023 khan Sunderland hi a pan - tunah chuan Germany-ah a kal dawn ta.