Mbappe hoin France-in Germany an hneh

UEFA Nations League-ah France leh Germany ten pathumna an inchuh a, Les Bleus-in Kylian Mbappe leh Michael Olise te goal hmangin 2-0 in hnehna an chang.

MHPArena, Stuttgart-a inkhelah Real Madrid striker Mbappe hian minute 45-naah box chhungah ball la thlain kawh zetin a pet goal a, a hnaih em avangin Marc-André ter Stegen tan dan ngaihna a awm lo.

Kum 26 mi Mbappe hian ram tan match 90 a khelhna chiah a ni a, goal 50 a khung tling chiah bawk. Germany-in an mualah hnehna chan ngei tumin an nawr na a, amaherawhchu France-in a Mbappe an kawl avangin mual neituin a vuak let an dawl lo.

Minute 84-naah Mbappe-a' halfway line aṭangin amah chauhin a khalh phei a, goalkeeper Ter Stegen chauh a hmachhawn hnuah mahni hma sial loin Michael Olise ta a pe. Olise-a'n chak nemnghehna goal a khung a, France-in 2-0 a hnehna changin pathumnaah an ni.