Player khel ṭha ber Mendes

2025 UEFA Nations League best player atan Portugal defender Nuno Mendes chu thlan a ni. Portuguese left back hian Spain nen final an khelh ṭumah goal a khung bakah penalty shootout-ah a khung leh bawk. Semifinal-a Germany an hneh ṭumin Mendes hian assist a nei bawk.

Kum 2024/25 Nations League-ah Mendes hian minute 948 a khel a, goal khat khungin assist vawi ruk a nei a, inelna pumpuia a tlan thui zawng hi 82.8km a tling pha hial. UEFA Technical Observer Group chuan, "Nuno Mendes hi tun inelnaah goal venhim kawngah leh goal nawrah a khel ṭha em em a ni," tiin an fak hle.