PSG leh Cavani an kal zel

Kartawp French Ligue 1 inkhelah Edinson Cavani goal khat khung hmangin Paris St Germain chuan Lille 1-0 in an hneh.

Uruguay striker hian minute 19-naah he inkhela goal awmchhun hi khungin tun season-a a goal 10-na chiah a ni bawk. Champion lai PSG hian match 11 a-
ṭang-in point 23 an hmu ta. League hmahruaitu Nice nen an inthlauhna chu point thum a ni rih a, nizana Nice inkhel result a zirin an inkar hi a la danglam leh thei.

Paris Saint-Germain coach Unai Emery chuan, "Goal khung aia a venhim hna thawk zawk team kan tum a nih chuan inkhelh a harsa ṭhin hle. Lille laka Cavani khelh dan khan min ti lawm hle a, player zawng zawng an khelh ṭhat rualin Angel Di Maria kha fak phu ber chu a ni," tiin Agrentina international a fak.

Inkhel dangah AS Monaco leh Saint-Etienne te chu goal khat ve ve khungin an inhnehtawk a, Lyon chuan 2-1 in Toulouse an hneh thung.