Mirza leh Hingis chak lo

India tennis star Sania Mirza leh Martina Hingis te chu WTA Finals khelh mekah final lut zo loin an tla, an nomawi kawl lai an hloh tihna a ni.

Indo-Swiss duo hi hmei--chhe doubles-ah
ṭangdun tawh lo mah se WTA Finals-ah hian cham-pion lai an nih avangin an inkawp leh a ngai a, semifinal thleng leh mah se Singapore Indoor Stadium-a inkhelah Rio Olympic champion Ekaterina Makarova leh Elena Vesnina te lakah darkat khat leh minute 30 chhungin 3-6, 6-2, 10-6 in an chak lo.

Kum 29-a upa Mirza chuan, "Set hmasa berah kha chuan kan service kan hum bakah an service kan chhuhsak theih bawk avangin a harsa lutuk lo. Set hnuhnung pahnihah erawh tihsual kan ngah em em a, anni lam an kheh ṭhat tulh tulh bawk si avangin a harsa a ni," tiin a sawi.

Vesnina leh Makarova te hian tun hma lamin Mirza leh Hingis te hi an la hneh ngai lo a, tun ṭum hi an vawi khat hnehna niin nizan khan final-ah Bethanie Mattek-Sands leh Lucie Safarova te ṭang-dun an hmachhawn leh, nizan vek khan hmeichhe singles final-ah world number 1 Angelique Kerber leh Dominika Cibulkova te an inhmachhawn bawk a, result kan hre hman lo.