Enga dang zo an awm lo

October 25 aṭanga khelh ṭan Lunglei Open Tennis Championships chu October 28 tlai khan khelh zawh a ni a, mipa singles-ah Mizoram number 1 Ramengmawia dang zo an awm lo.

Mens singles final-ah Ngopa Tennis Club (NTC) player ve ve Rameng-mawia leh Lalhmachhuana an in tum a, Enga hian 6-1, 3-6, 6-3 in hnehna a chang. Enga hian awlsam takin set khatna la mah se set hnihnaah Lalhmachhuana insiam
ṭhain set a rawn la ve leh a, mahse Mizoram number 1 Enga a mutthlu hlen lo, set thumnaah a tawnhriat ngah tawh hmang ṭang-kaiin champion nomawi chawina atan set a la leh a ni.

Mens double-ah pawh Ramengmawia'n nomawi a chawi tho a, a ṭanpui Lalthanmawia nen men's singles final-a a hneh Lalhmachhuana leh Innocent-a te ṭang dun an hneh.

Lunglei Open Tennis results :

Mens singles : Ramengmawia bt. Lalhmachhuana 6-1, 3-6, 6-3

Mens doubles : Ramengmawia & Lalthanmawia bt. Lalhmachhuana & Innocent 8-7 (7-3)

35+ Mens : Lalthanmawia (ATC) bt. C Lalduhawma (LDTA) 6-3, 3-6 (7-3)

Under 18 Boys : Lalrinpuia (CTC) bt. Lalropuia (CTC) 6-4, 6-7 (8-6)

Under 18 Girls : Sandhya Giri (LDTA) bt. Esther Lalthanpuii (LDTA) 6-2

Under 14 Boys : J.H. Lalhruaizela (RTC) bt. Jonathan Lalruatfela (LDTA) 6-0

Under 14 Girls : Lalrinsiami Sailo (LDTA) bt. Esther Lalthanpuii (LDTA) 6-4