Goal khung thei lo United
Manchester United-in Old Trafford-ah goal khung tumin vawi 37 zet Burnley lamah an pet a, goal an khung theih miau loh avangin point khatah an lungawi a ṭul.
Inrinni zan inkhel dangah Tot-tenham Hotspurs leh cham-pion lai Leicester City te 1-1 in an ṭin a, Middlesbrough leh Watford ten an mikhual AFC Bournemouth (2-1) leh Hull City (1-0) te an hneh bawk.
Ibra a tar ta?
Manchester United-in match pawimawh an khelh zawn rei avangin player ṭha an chhawr rim a, league match hnuhnung bera Chelsea laka 0-4 zeta an mualpho avangin inelna tenau EFL Cup-a Manchester City an hneh ṭum pawhin an ṭhat theih dan bera an khelh a ṭul.
Jose Mourinho-a'n player ngai a chhawr ngun a tuar niin a lang a, Burnley lakah a player-te an hriam tawk lo. Kum 35-a upa Zlatan Ibrahimovic-a'n goal zawnah vawi 12 a pet a, pakhatmahin net a ti puar thei lo.
Swede forward chance neih ṭhat ber chu Paul Pogba ball vawrh ṭha bik a ni a, hnai tak
aṭangin Ibrahimovic-a'n a pet over. Kum 35-a upa Ibra hian match 10-ah vawi 70 a pet a, Premier League-a goal khung tuma pet tam ber ni mah se Sep-tem-ber 10-a Manchester City lama goal a khung hnuah score-sheet-ah a hming a la nem kai leh lo.
Inelna hrang hrangah erawh Zlatan hian Europa League-a Zorya lama goal khat a khung avangin match hnuhnung 10-ah goal khat a khung thung.
United vanduai
Minute 68-naah yellow card vawi hnih hmuh vangin Manchester United midfielder Ander Herrera chu hnawhchhuah a ni a, an kim lai leh tlem hnuah Jose Mourinho hoten inkhel an thunun.
Veteran striker Ibra bakah Juan Mata, Jesse Lingard leh substitute Wayne Rooney te goal khung tur chuan Burnley keeper Tom Heaton an paltlang thei lo. Clarets keeper Heaton leh defender Michael Keane ten an club hlui United laka point an hmuh theih nan an thawh hlawk hle.
United vanduaina belhchhah turin referee Mark Clattenburg-a'n mualneitu hi penalty a pe lo a, mual sira lungawi lohna lantirtu Jose Mourinho chu technical area aṭanga hnawhchhuah a ni. Red Devils hi chak lo thei dinhmunah an ding tho a, Clarets hian goal theihna tur chance ṭha
ṭum hnih an hlah ve bawk.
United assistant coach Rui Faria chuan, "Eng nge thil thlen dan chiah kha ka hre lo a, Jose sawi ai chuan referee report ziah dan a pawimawh zawk," tiin Mourinho an hnawhchhuah chhan a sawi duh lo.
Red Devils hi match hnu-hnung pasarihah vawi khat chiah an chak a, point riata an phak loh Manchester City, Arsenal leh Liver-pool te erawh Inrinniah an chak vek.
Foxes tan Musa
White Hart Lane-ah Totten-ham forward Vincent Janssen-a'n minute 44-naa Leicester defender Robert Huth laka a penalty hlawhchhuah chu goal-ah a chantir a, Spurs hian Dele Alli leh Jan Vertonghen te hmangin crossbar an pet per bawk.
Amaherawhchu Spurs-in goal hnihna an khung thei lo a, champion lai tan Ahmed Musa-a'n minute 48-naah an sipurh sut a, 1-1 in an inhnehtawk.
Tottenham manager Mauricio Pochettino chuan, "Inkhel kan thunun a, chance pawh kan insiam a, kan vanduai avangin point hnih kan hloh. Ka lungawi lohna chu goal kan chhuah kha a ni. Amaherawhchu league-ah hneh loh kan la tawng lo a, result chu engpawh ni se kan khel ṭha bawk," tiin chak an phu thu a sawi.
Leicester manager Claudio Ranieri chuan, "Kan khelh danah leh kan point hmuhah ka lungawi. Tunah chuan rilru thu hmunink an khel leh ta a, kan khel ṭha takzet a ni," tiin an rilru put hmang a dik chhoh leh tawh thu a sawi.