Mipa Final

French Open mipa final chu nizan khan Court Philippe-Chatrier-ah khelh a ni a, champion lai Carlos Alcaraz leh Jannik Sinner te inhmachhawn in an result erawh kan hre hman ta lo a ni.

Spanish star Alcaraz hi kum 22 mi chauh a la ni, a kum tlam lo mah se Roland Garros-ah hian nikum kham a champion a, hei bakah hian Wimbledon vawi hnih champion tawhin US Open 2022 khan a lo hlawhtling tawh bawk, nizanah a chak a nih chuan Grand Slam nomawi panga a ni tling der ang.

Italian tlangval Sinner hi hremna hmang zo a ni a, damdawi hman phal loh vanga an hrem hnuah Grand Slam a khelh lehna hmasa ber a ni. Sinner hi kum 23 mi niin Australian Open title pahnih bakah US Open nomawi kawl mektu a ni bawk.