Mizoram muaythai team zin chhuak

6th National Muaythai Championship chu June 9, Thawhṭanni aṭangin Rohtak, Haryana-ah khelh a ni dawn. Inelna hmachhawn tur hian Muaythai Association of Mizoram chuan infiammi 14 leh hruaitu mi pali an tir chhuak.

Championship a che ṭha te hi September a neih tur Asian Youth Games a India aiawhin an inlan dawn a ni. Muaythai infiamna hi International Olympic Committee (IOC) chuan Olympic games huanga tel turin a lo pawmpui tawh, mahse 2028 Olympic Games-ah erawh telh a ni dawn lo thung.