Marquez a hmanhmawh lo

Marc Marquez chuan MotoGP season hman tur an la nei rei tih a sawi a, chuvangin hmanhmawh lutuk a chet a ngai lem lo - Pathianni tlai dar 5:30 hian Aragon Grand Prix an tlan leh ang.

Bike intlansiakna sang berah hian, season tir lam inelna hmasa pali zinga pathumah Marquez hi a chak thei. Mahse, tun hnaiah tlahniam hretin, a zawnin vawi thum chak chak ni hmel a hmu ta lo.

Spanish rider Marquez chuan, "Ka hmanhmawh lem lo, a chhan chu tunah hian rider championship hmahruaitu ka ni a, intlansiak kan neih hnuhnung hoah pawh khan harsatna ka nei hran lo bawk.

"Intlansiak hnuhnung pathumah beisei leh duhthusam ang vekin thil a kal lo a ni mai thei. Chutihrualin ngun taka chhut chuan, keini aia tlan chak chu rider pakhat chauh a awm, a hming chu Alex Marquez a ni," tiin a sawi.

Kum 32 mi Marquez hi hliam vangin hun rei tak a buai a, a ban ruh tliak chu zai nawn fo a ni hial. Mahse, intlansiak chawlhsan mai loin a la hmachhawn chhunzawm zel a, tunah chuan a vawi sarih nana MotoGP champion nih a inbeisei mek.