Germany khingpui tur France

Nations League playoff thlengtu Germany nomawi beiseina chu Cristiano Ronaldo-a'n a ti tawp a, Julian Nagelsmann hote hian June 8, Pathianni zan dar 6:30 hian MHPArena, Stuttgart-ah France nen pathumna an zawng dawn.

Germany coach Julian Nagelsmann chuan, "Chak loh hi chu a pawi a, mahse football in a kel tel a ni. Kan chak loh aṭangin kan inzir em tih hi a pawimawh lai chu a ni a, kan tihsual aṭanga kan inzir a nih chuan hma kan sawn tihna a ni ang," tiin France laka thawhchhuah ngei an tum thu a sawi.

France pawh Spain an hneh loh avangin an hnual Germany hneha Nations League khar an duh dawn. France coach Didier Deschamps chuan, "Inkhel dang daih a ni a, hahdamna hun kan nei tlem zawk. Semifinal-ah chuan player kan thlak danglam hret ang," tiin a sawi.

Les Bleus tana bul ṭantu zingah Rayan Cherki a tel ngei a rinawm a, kum 21 mi Lyon winger hian en bik a hlawh ang. Cherki chuan, "Match khat khelh tur a la awm a, kan theihna zawng zawngin kan khel ang," tiin a sawi ve bawk.