Brazil leh Ecuador inhnehtawk

Carlo Ancelotti enkawlna hnuaiah Brazil chuan an match hmasa ber an khel ta, nimin zing khan World Cup qualifier khelin Ecuador nen goal lut loin an inhnehtawk.

World champion vawi nga ni tawh Brazil hian inkhel thunun pawh an harsa a, ball chang tlem zawk an ni. An thiampuipa Neymar chu inkhel tura koh zingah a tel rih lo a, tlarhma lama ding Richarlison leh Vinicius Junior ten an mamawh an pe thei lo a ni.

Brazil hian hun rei tak chhung hlawhtlinna hmel an hmu hleithei tawh lo, hei vang hian danglam an duh. Italian manager an ruai hial a, Real Madrid manager hlui hian World Cup 2026 atan team nghet tak din hman a tum ang.

Nimin zing inkhel dangah Argentina chuan Julian Alvarez-a goal khat hmangin Chile chu 1-0 in an hneh a, champion lai hi World Cup khel turin tling fel leh tawh mah se chawl mai loin an la chak zel.

Coach Lionel Scaloni-a'n a captain Lionel Messi chu hahchawlhna hun a pe hmasa a, bench lamah a ṭhu hmasa. Inter Miami captain hian khelmual chhung a luh hnuah goal khung lo mah se mipui lawm a hlawh hle.