NBA Finals; Thunder hmaah Pacers an ding dawn

Basketball inelna lian leh ngaihhlut ber NBA Finals chu naktuk zing dar 6:00 aṭangin khelh ṭan a ni dawn - Oklahoma City Thunder leh Indiana Pacers te chuan chungnung zawk nih an inchuh dawn a ni.

NBA Finals hi best of seven series hmanga khelh a ni dawn, champion tur chuan a tlem berah pawh vawi li tal an chak a ngai dawn tihna a ni a, a ṭha ber ni turin kawng thui tak zawh tur a la awm.

Game 1 hi Oklahoma khawpuiah khelh a ni dawn. Thunder hian kum 12 hnuah NBA Finals an khel ve leh chauh dawn a ni a, an nghak rei hle - Pacers hian an la nghak rei zawk, kum 25 teh meuh a liam hnuah an khel ve leh chauh dawn bawk, team pahnih tan a hlu hle ang tih chu thil chiang sa a ni.

Thunder hian Most Valuable Player (MVP) thar Shai Gilgeous-Alexander an nei a, ani hian season duhawm hmang mekin point hmuh a harsat lo, an thiampuipa chungah mawhphurhna a sang dawn, champion pui tham a ni chiah em tih fiahna a ni bawk ang.