Pegula hnehtu Boisson

French Open 2025 khelh laiah beisei loh result langsar bera ngaih kan hmu - hmeichhe world number 361 Lois Boisson chuan Jessica Pegula a hneh! A hneh tak hi seeded pathumna ni phak a ni, atan chuan mumang ang mai a ni ngei ang.

Nikum khan khup na vangin Boisson hi a buai a, kuminah duhsak takin wildcard pek a ni. A ranking a hniam em avangin beisei pawh a nei sang lo, mahse tualchhung nula hian US Open finalist hi 3-6, 6-4, 6-4 a hnehin quarterfinal a lut.

Court Philippe Chatrier-a inkhel entu te chu "Lois!" tiin an aurual dual dual a, an ram player an thlawp ṭha hle. Set khatna chu a hloh hmasa phawt a, mahse set hnihna leh a hnuhnung berah erawh ropui takin a tho chhuak.

Kum 22 mi Boisson chuan, "Tennis court ropui tak maiah min ṭantute an aurual dual dual a, an beisei tih hlawhtlin tlukna nuam kha a awm thei tawh chuang lo ang. Hnehna ka chan theih nan khan ka theihna zawng zawng ka hlan," tiin a sawi.

Boisson hian a match lehpekah chuan seeded parukna Mirra Andreeva a hmachhawn dawn. Russian rawlthar Mirra Andreeva hian inkhel dangah Daria Kasatkina chu darkar khat leh minute 34 chhungin 6-3, 7-5 in a lo hneh ve bawk.

Inkhel dangah Coco Gauff pawh a chak - American star hian seeded 20-na Ekaterina Alexandrova chu 6-0, 7-5 a hnehin quarterfinal a lut a, semifinal thleng tur chuan Australian Open champion Madison Keys a paltlang leh a ngai dawn a ni.