Sri Lanka-ah Pakistan inkhel dawn

2025 Women's Cricket World Cup chu India leh Sri Lanka-ah khelh a ni dawn. Inelna hi India-ah nghah tur ni mah se Pakistan leh India inkara buaina avangin Pakistan inkhel bik hi Sri Lanka-ah khelh a ni ang.

Kumin kumtir khan India chuan Men's Champions Trophy-ah Pakistan an tlawh duh tawh lo a, an inkhel bik Dubai-ah khelh niin an champion hial. Nikum December thla khan ICC chuan ram pahnih ICC inelnaah an intlawh tawh loh turin thutulukna an siam.

Inelna hi India ram khawpui hrang hrang Bengaluru, Guwahati, Indore leh Visakhapatnam bakah Sri Lanka khawpui Colombo-ah khelh a ni ang. September 30 - November 2, 2025 chhungin inelna hi neih tur a ni a, Colombo hian Pakistan inkhel pasarih a thleng dawn.

Pakistan hian semifinal leh final an thleng a nih phei chuan Colombo hian nomawi inchuhna thlengin a thleng vek ang. Australia hian kum 2022 khan final-ah England hnehin champion lai an ni.