Maxwell-a'n ODI khelh a chawlhsan

Australia all rounder Glenn Maxwell chuan nakkuma neih tur T20 World Cup-a insawrbing theih nan ODI khelh a chawlhsan. Kum 36 mi Maxwell hian kum 2012 aṭangin ODI match khel ṭanin match 149 a khel tawh a, World Cup ṭum hnih 2015 leh 2023-ah a champion a, T20 World Cup-ah kum 2021 khan a champion tawh bawk.

2023 World Cup-ah khan Afghanistan nen an inkhelh ṭumin 201 runs a siam a, innings ropui ber zinga mi a ni. Australia hian 91 runs an siam tihin wicket sarihin an hloh tawh a, chak lo thei dinhmuna an din laiin Maxwell a rawn lut. Ball 128-ah 201 runs a rawn siam a, Australia-in hnehna an changin semifinal an thlen theih phah.

ODI World Cup hnuhnung berah hian Maxwell hian century rang ber a siam a, Netherlands an hmachhawn ṭumin ball 40 lekah century a siam. Final-ah Australia hian inelna thlengtu India an hneh a, Maxwell hian champion-na run a vaw chhuak bawk.

T20 World Cup hi kum 2026 hian India leh Sri Lanka in an thleng dawn a, inelna hi kumtir lama neih tur niin February 8 - March 8, 2026-ah neih a ni ang.