PV Sindhu chak niah Lakshya Sen a tla

Badminton inelna Indonesia Open khelh mekah, India chhuanvawr PV Sindhu chuan Nozomi Okuhara hnehin last 16 a inhlangkai a, hetih lai hian Lakshya Sen-a erawh hneh ni loin a zinkawng a tawp thung.

Sindhu leh Japanese nula Nozomi Okuhara te hi an inkhel tawk takzet, darkar khat leh minute 19 an inkhelh hnuah Olympic medal vawi hnih la tawh Sindhu hi 22-20, 21-23, 21-15 in a chak ta zawk.

Season hmasa aṭang khan Sindhu hian result ṭha neih a harsat, tun ṭuma BWF Super 1000 event awm mekah hian result ṭha a beisei mek a, hna erawh a hautak chho zel ang.

Mipa singles lamah Lakshya erawh Chinese tlangval Shi Yu Qi lakah 11-21, 22-20, 15-21 in a chak lo. Sen-a hian season a hmang ṭha a, kuminah hneh nei loin tournament panga aṭangin a tlakna a ni ta chiah.

HS Prannoy pawh Indonesian player Alwi Farhan lakah 17-21, 18-21 a chak loin a zinkawng a tawp nghal ve bawk.