Mancherter City-in Ait-Nouri lak an tum

Manchester City manager Pep Guardiola chuan tlarhnung thuam chak a tum mek - Spanish coach hian Wolves aṭangin Rayan Ait-Nouri lakluh a tum a, an lei ngei pawh a rinawm.

Kum 2021 August khan Benjamin Mendy chuan Man City tana a match hnuhnung ber a khel, a hnu lamah left-back nghet pangngai tak an nei ta meuh lo, player hrang hrang a hmang kual ṭhin a ni.

Mendy-a khelhna ṭhinah hian - Oleksandr Zinchenko, Joao Cancelo leh Josko Gvardiol te a chhawr vek a, season hmasa khan rawlthar Nico O'Reilly pawhin hmun a chang, mahse Pep-a duhthusam angin an la ṭha tawk lo niin a lang.

Kum 23 mi Ait-Nouri chungchangah hian inremna chu a la awm lo. Mahse, media rintlak BBC tarlan dan chuan Man City hian an tlarhnung thuam chak nan an lak ngei a rinawm a ni.