Atletico-ah Griezmann a nghet

Atletico Madrid chuan Antoine Griezmann chu season hnih atan inremna an neih pui a, kum 36 mi a nih thlengin Spanish club tan hian a khel chhunzawm dawn tihna a ni.

Griezmann-a contarct neih lai kha season thar lo awm tur tawp thleng daih a ni a, an pawtsei leh ta tihna a ni. Season liam ta khan Atletico Madrid tan hian inelna hrang hrangah match 53 a khelh aṭangin goal 19 a khungsak.

Atletico Madrid tan goal 197 a khung tawh a, ani aia khung tam an awm lo - kum 34 mi Griezmann hi Atletico tan chuan a hlu takzet, tunah chuan Club World Cup khel turin an inbuatsaih mek a ni.

Club World Cup-ah Atletico Madrid hian an match hmasa ber chu June 15-ah an khel dawn, Champions League champion Paris Saint Germain nen an inkhel ang, chumi hnuah Seattle Sounders leh Botafogo te an thum leh dawn a ni.