Lazio-ah Sarri a kir

Maurizio Sarri chuan kum khat a kalsan hnuah Lazio a enkawl leh dawn - Italian club chuan Sarri nen hian an inrem thu an puang a, season thar chu an manager hriatsa enkawlna hnuaiah an khel ang.

Sarri hian tun hmain Napoli chu ṭha takin a lo enkawl tawh, chumi hnuah Chelsea leh Juventus enkawlin Europa League leh Serie A nomawi a chawi a, kum 2021 khan Lazio hi a enkawl.

Kum 2023-24 season khan Serie A-ah pasarihna a nihpui a, a hma lamin pahnihna a lo nihpui tawh bawk. Mahse, nikum March khan a hna hi a bansan a, tunah chuan a sukna ngaiah bawk a su nawn dawn tihna a ni.

Lazio president Claudio Lotito chuan, "Maurizio Sarri chu a inah a lo kir leh ta, a lo kirna hi thinlung chhungrila duhthlanna a ni. Club hmathlir leh chet lak dante a hmu a, sang tak thlen tuma kan chet avangin ani hi hotupa atan kan mamawh a ni," a ti.

Serie A season hman zawh hlimah khan Lazio hi Marco Baroni enkawlna hnuaiah pasarihna an ni.