Belgian GP dinhmun a chiang lo

August thlaa tlan tur Belgian Formula 1 Grand Prix chu Covid-19 vangin dinhmun chiang loah a awm mek. August 30-a tlan tur ni mah se an ramah inkharkhip kalpui a nih avangin a hunah an tlan theih hmel loh.ṭ

Belgium sorkar chuan an ramah August thla tawp thleng vantlang punkhawmna lampang tih loh turin thuchhuah a siam a, hei vang hian car intlansiakna sang berah an tlan thei dawn lo tihna a ni.

Belgium GP director general Vanessa Maes chuan, "Kawng hrang hrangin kan ngaihtuah - ṭhulh, entu awm loa tlan leh a hun sawnte chu duhthlan theih kan neihte an ni.

"Ram mipui leh hmun hrang hrang aṭanga infiam tura rawn kalte hriselna chu kan ngaih pawimawh ber a ni a, inelna chu a hmasa bera dah thei dinhmunah kan ding rih lo," tiin a sawi.

An rama chanchinbu lian La Derniere Heure-in a tarlan dan chuan entu awm loa intlansiak neih chu an duh hmel lo, sumdawnna kawngah hloh tur a tam avangin a hun sawm mai pawh an duh zawk a rinawm.