Thibaut Courtois a inhnukdawk

Belgium goalkeeper Thibaut Courtois chu ram tan a inlan dawn rih lo - Real Madrid si ban nghaktu hi World Cup qualifier khel tura koh ni mah se, hnungzâng na vangin a inhnukdawk leh ta zawk a ni.

Belgian Football Association chuan, "Real Madrid leh Royal Belgian Football Association te chuan Thibaut Courtois dinhmun hi tun hnai khan ngun takin an zirchiang a, kan hma lawka international match khel tur chuan a la inpeih lo," an ti.

Spanish club hian an keeper hi Club World Cup khelh hunah pawh an chhawr thei lo mai thei. June 18 aṭangin Miami-ah Club World Cup hi khelh tur a ni dawn - Real Madrid hian an match hmasa berah Saudi club Al Hilal an hmachhawn ang.

Courtois a inkhelh thei dawn loh takah chuan, ram tana la inlan ngai lo Club Brugge goalkeeper Nordin Jackers chu koh a ni. North Macedonia leh Wales nen an inkhelh hunah erawh Nottingham Forest goalkeeper Matz Sels chuan si ban a nghah a rinawm.