Zanin dar 7:30-ah IPL Final : Royal Challengers Bengaluru Vs Punjab Kings

Cricket inelna ngaihven hlawh Indian Premier League final chu zanin dar 7:30 hian Royal Challengers Bengaluru leh Punjab Kings ten Narendra Modi Stadium-ah an khel dawn. RCB leh Kings te hi la champion ngai lo ve ve an ni a, hei vang hian zanin inkhel hian ngaihven a hlawh ang.

Kings tan Iyer

Qualifier 1-ah Punjab Kings-in Royal Challengers Bengaluru an hneh lo a, hei vang hian qualifier 2 an khelh a ngaih phah. Sawai Mansingh Stadium, Jaipur-ah Pathianni zan khan Kings leh Mumbai Indians te an inkhel a, Shreyas Iyer-a'n Punjab a chakpui.

Kings-in vawm hmasak an thlang a, Mumbai Indians tan opener pahnih Ryan Rickelton (27) leh Rohit Sharma (24) te an che ṭha tawk lo. Surkumar Yadav-a'n (57) half century a rawn siam a, Hardik Pandya-a'n 26 runs rawn belh bawkin 184/7 runs an siam.

Punjab Kings bat hun a thleng a, Priyansh Arya-a'n 62 runs siam nghalin John Inglis-a'n 73 runs a rawn belh bawk. Heti chung hian la chetsual theih ni mah se captain Shreyas Iyer-a'n ball 16 lekah 26 runs rawn siamin Kings chu wicket sarihin an chak.

Final chu

New Chandigarh-ah Punjab Kings-in Royal Challengers Bengaluru an hneh lo a, bat hmasain 101 runs lek an siam. Over 10 lekah RCB-in target hi an umpha a, final an lut awlsam hle.

Zanin inkhel tingaihnawmtu ber tur chu Virat Kohli a ni a, India captain hlui hian IPL nomawi a la chawi loh avangin duhsaktu a ngah dawn. Mahse, qualifier 1-a an hneh tawh Punjab Kings hi final-ah hneh chiang sa an ni lo.

League round-ah Punjab Kings hian RCB hi wicket ngain an hneh tawh a, chutihrualin RCB hian wicket sarihin an hneh let. Tun hi tun season-a an vawi li inkhelhna tur a ni a, zanina chak zawk hian nomawi an chawi dawn avangin final-a chak hi a pawimawh ber ang.