Armed Veng hnaih bertu Electric Veng

CYMA Football hi kum 1985 aṭang khan neih ṭan a ni a, kumin hi a kum 40-na niin a vawi 22-na chiah a ni bawk. Armed Veng an champion ngun ber a, vawi nga an champion tawh a, vawi thum champion zawn thei an ni bawk.

Electric Veng chu vawi thum an champion tawh a, Armed Veng dawta champion tam ber an la ni reng. Inelna hnuhnung paliah Armed Veng an champion thei ta lo a, Electric Veng champion hnuhnun ber ṭum pawh kum 1998 daih a ni.

Chaltlang, Dinthar leh Ramhlun South ten vawi hnih nomawi an chawi tawh a, kuminah Republic Vengin nomawi chawi tawhin vawi hnih champion zingah an rawn tel.

Nomawi chawi tawh hrim hrim hi team 12 an awm a; Zotlang, Ramthar Veng, Lengpui, Kanan, Chanmari leh Venghnuai te vawi khat ṭheuh an champion tawh. Lengpuiin kum 2006 khan Rohmingthanga hoin nomawi an chawi a, Aizawl khaw pawn champion awmchhun an la ni reng.