Goal khung tam ber Dawngtea

CYMA Football 2025-ah Bawngkawn striker MS Dawngliana'n goal 12 khungin top scorer a ni a, MPL season hmasa ber aṭanga hming langsar tawh Dawngtea a la vul reng.

Dawngtea hian Kawngpui Bangla Veng 3-0 a an hneh ṭumin hattrick a siam a, Darlung 8-0 zeta an sawp ṭumin goal goal nga a khung. Bawngkawnin Leitan Ramthar 9-0 a an hneh ṭumin goal li a khung leh bawk.

Bawngkawn striker hi MPL1-ah top scorer a ni a, MPL2 leh MPL7-ah best forward a ni leh bawk. MPL ṭan aṭanga kum 13 ral hnuah pawh a la ṭha reng a, Mizoramin National Games-a gold medal an lak ṭuma player pawimawh a ni.

Dawngtea hian 2010 khan National Inter School Tournament-ah Mizoram a champion pui a, Dr BC Roy Trophy 2012 (National Football C'ship) khan Mizoram team chu silver medal a lakpui.

Santosh Trophy-ah Mizoram tan vawi li a feh chhuak a, kum 2018 leh 2024 khan pathumna a nihpui. North East state-te inelna Dr TAo Mem Football Tournament-ah kum 2020 khan Mizoram a champion pui a, kum 2015 khan pathumna a nihpui bawk.

Tualchhung football-ah pawh sulhnu a nei ṭha. Red Ribbon Football-ah kum 2012 khan Chanmari an champion pui a, MPL-ah Chanmari FC leh Chhinga Veng champion puiin I Day Football leh MFA Super Cup-ah vawi thum ve ve a champion tawh a, MFA Cup-ah a champion tawh bawk.