Powerlifting inelnaah Thors champion

Mizoram State Sports Council kum 50 tlin lawmna chi khat, 7th Mizoram Open Powerlifting Championship chu neih zawh a ni ta a, a pumpuiah Thors Powerlifting Club an champion.

MPA Training Hall, Republic Vengthlangah inelna hi neih niin, district leh club hrang hrang aṭangin lifters engemaw zatin inelna an hmachhawn a, champion Thors chuan gold pali an la.

Mizoram Powerlifting Association (MPA) buatsaiha neih inelnaah hian Aquatein Company-te chuan an protein water chi hrang hrang, lifter-te tan a thlawnin he inelnaah hian an chhawp chhuak a, MPA chuan lawmthu an sawi.

Championship kharna hunah MPA president HF Lalrinpuia chuan thu sawiin, MPA hmasawnna leh hmachhawp hrang hrang bakah, national leh regional level-a Mizoram result chu lawmawm a tih thu a sawi a ni.