Champion nawn thei Mizoram

Indian Blind Football Federation (IBFF) buatsaih, North-east Zonal Blind Football Championship-ah Mizoram hmeichhe team chu hneh loh nei loin an champion a, a kum zawnin nomawi an chawi.

Mizo hmeichhe team hian group match aṭangin hnehtu an tawng lo a, final match-ah pawh Assam chu 3-0 a sawpin nuamsa takin an champion a ni.

Sarusajai Sport Complex, Guwahati-a inelna neihah hian Mizoram team captain Eleen Chorei chu top scorer & Player of the Tournament a ni a, nikum lama top scorer leh Player of the Tournament a nihna pawh a humhim tel bawk.

Chorei bakah final match-a goal khungtu Lalhriatzuali, West Serzawl pawh emerging player atana thlan a ni a, Lalhriatzuali nuṭa hi kumin kum tir lama National Para Judo Championship a gold medal latu David Lalremruata kha a ni.

Hmeichhe team-te hi national championship an qualify nghal a, national-ah pawh champion leh thei ngei turin beisiena an nei sang hle a ni.

Mizoram aiawh te hi vawiin hian an lo haw ang.