Tukin zing dar 7:30-ah Mizoram Vs Punjab

Swami Vivekananda U20 Men's National Football Championship-ah Mizoramin tukin zing dar 7:30 hian Punjab an hmachhawn dawn. Ramakrishna Mission Ashrama Ground, Chhattisgarh-a inkhel hi Indian Football YouTube Channel-ah a en theih ang.

Coach Lalrindika kaihhruai Mizoram hi group D-ah awmin an khingpui Maharashtra, Himachal Pradesh, Tripura leh Jharkhand te an hneh vek.

Quarterfinal-a an khingpui tur Punjab hian point 12 hmuh theih aṭangin point kua an hmu a, Manipur nen an point hmuh zat inang chiah mah se head to head-ah an ṭha zawk. Punjab hian Uttar Pradesh an hneh lo a, harsa takin quarterfinal an lut. Group stage a khelh dan thlirin Mizoram buk a rit zawk.