Tui inhleuhsiak awm dawn

Mizoram State Sports Council Golden Jubilee lawmna chi khat, Inter School & Open Swimming Championship chu May 29, Ningani leh May 30, Zirtawpni khian neih a ni dawn a, sub junior, junior, senior leh open category-ah te inelna hi neih tur a ni ang - May 24, Inrinni thleng a tel tur tan inziahluh theih a ni.

Aquatics Association of Mizoram (AAM) buatsaiha neih tur inelnaah hian, Sub junior bik hi group hnihah ṭhen niin, group khatah kum 10 hnuai lam inelin, group khat zawkah kum 11 & 12 te an inel ang.

Junior hi kum 13 & 14 inelna tur niin, senior hi kum 15, 16 leh 17 inelna tur a ni a, open category bik hi kum 18 chung lam inelna tur a ni. Inelna hi Aquatic Complex, ITI Veng, Aizawlah neih tur a ni a, hriatchian duh nei tan phone no. 8257036650-ah zawhfiah theih a ni.