Team ṭha an la chak

LBS Suzuki 22nd Inter Branch YMA Football 2025 boruak a nung chho zel a, football ngaihvenna veng/khua chinah chuan kawn/dawr kawt titi a tling. Group of death-a ngaih group G-ah Lengpui hnehtu Khawzawl Vengtharin Chhinga Veng 3-2 in an hneh a, last 16-ah Republic Veng an hmachhawn dawn. Lalsangzuala Hmar hote hian nimin khan Khawzawl Zuchhip 5-0 in an sawp.

Lalbiaksanga Colney enkawl Bethlehem Vengthlangin champion tawh Ramthar Veng 4-0 in an sawp a, Bethlehem Vengin Vaivakawn 3-0 ngawtin an hneh bawk. MLA Constituency-a Aizawl South I lam an che ṭha a, College Vengin Salem Veng 3-1 in an hneh. Goal khungtu zingah Zothanmawia a tel a, Chanmari FC goalkeeper T. Mawia hi an vengah chuan defender pawimawh a ni.

Vawi thum champion tawh Electric Vengin Kawnpui Vengthar lakah goal an khung thei lo a, hun pangngaiah goal lut loin H. Lalbiakthanga captain-na hnuai khel team hi penlaty shootout-ah 3-0 in an chak. Kawnpui Vengthar keeper hi Aizawl FC keeper Vanlalhriatpuia a ni. Aizawl khaw pawn hming langsar Sialhawkin Chanmari West an hneh a, Sialhawk tan R. Laldanmawia a la langsar ber.