GO FC, Tuikual North an champion

BR Studio MFA Futsal Division I 2024-25 Season Ending Tournament final chu May 20, Thawhlehni zan khan khelh a ni a, Tuikual North club GO FC-in Electric Veng FC 5-3 a hnehin an champion. Go FC player Lalrinzuala chu best player-a thlan a ni.

Kum 2024-25 season chhungin Division inelna ṭum thum khelh a ni a, inelna pathuma che ṭha pathum GO FC, Tuikual North (14 pts), FZ FC, Chanmari (11 pts) leh Electric Veng FC (8 pts) te chu MFA Fustal League khel turin an tling.