Zanin semifinal-ah Khatla South leh Nursery Veng

22nd May, 2025

ICFAI University Mizoram Inter Veng Under 23 Basketball Tournament 2025 semifinal hnuhnung zawk chu zanin dar 8:00 hian Hawla Indoor Stadium-ah Khatla South leh an veng ṭhenawm Nursery Veng ten an khel dawn.

Thawhlehni zan khan semifinal lut turin Khatla South-in Kolasib 97-75 in an hneh a, Nursery Vengin Lunglei Joint LC chu 83-73 in an hneh thung.

Nizan khan semifinal hmasa zawkah Zarkawt leh Bethlehem Vengthlang te an inkhel a, result kan hre hman lo. Final hi May 24, Inrini zan dar 8:00 hian Hawla Indoor Stadium, Republic Vengthlangah khelh a ni ang.