A tawp nan PSG an chak

Paris Saint Germain chuan tun season an Ligue 1 match hnuhnung berah Auxerre chu 3-1 in an hneh a, an khelmual hman thiam Parc des Princes-ah ngei mai hnehna chang chungin nomawi an chawi chhunzawm bawk.

Inrinni zan khan Ligue 1 khelh zawh niin, champion chiang tawh PSG hian Khvicha Kvaratskhelia-a goal hnih bakah Marquinhos-a goal khat hmangin hnehna an chang a, an tan hun nuam tak a ni ngei ang.

Luis Enrique enkawl PSG hian May 24, Inrinni zanah French Cup final khel turin Reims an hmachhawn dawn a, chumi hnuah Champions League final khelh turin chawlhkar khat chhung inbuatsaihna hun an nei dawn a ni.

PSG manager Enrique chuan, "Final khelh hmabak pahnih kan nei a, chumi inbuatsaihna atan chuan Ligue 1 season kan khar dan hi duhthusam a ni, min ṭantute hma ngeiah hlawhtlinna kan chang thei hi a lawmawm zual.

"Ligue 1 kan champion tih a chianna a rei deuh tawh a, mahse a tawp khar nana chak ngei kha kan duh, chumi kan ti hlawhtling thei hian kan rilru puthmang dikzia a takin a lantir bawk," tiin a sawi.

Ligue 1 aṭang hian Saint-Etienne leh Montpellier te chu an tlahniam thung a ni.