Europe-a India aiawh tur Remsiami

India rama hockey thuneitu sang ber Hockey India chuan FIH Pro League 2024-25 khel tur squad a puang a, player 24 koh zingah Mizo nula Lalremsiami Hmar a tel.

June 14-29 chhungin India hi London, Antwerp leh Berlin-ah te an zin dawn a, ram lian hrang hrang - Australia, Argentina, Belgium leh China te an hmachhawn ang. FIH Pro League 2024-25 champion hi nakkuma khelh tur World Cup atan an tling nghal dawn a, a pawimawh hle a ni.