Pacers tan Conference final a hnai

Indiana Pacers chuan nimin zing khan Cleveland Cavaliers 129-109 in an hneh. NBA Eastern Conference semifinal an khelh laiah, Pacers hian best of seven series chu 3-1 in hma an hruai; tlang turin vawi khat chak chiah an mamawh tawh a ni.

Cleveland hian regular season an hmang ṭha a, team hmuhnawm leh rinkai pawh an ni. Mahse, playoff chinah erawh an nghet tawk lo, nimin zingah pawh quarter hmasa pahniha an tih ṭhat loh chu a hnung lamah an hliah khuh zo tawh lo.

May 14, Nilaini zingah game 5 an khel dawn. Cavs tan an beiseina chhi nung turin chak ngei ngei a ngai a, conference final lut tur chuan an hmabak zawngah an chak kim vek a ngai tawh dawn, hna a harsa dawn hle.