An ramah Zarco a chak

French Grand Prix-ah hian kum 1954 aṭanga nikum thleng khan tualchhung tlangval ten hnehna an chang ngai lo, an sulhnu duhawm lo tak hi tunah chuan Johann Zarco hmanga thai bo a ni ta.

Pathianni zana tlan zawh tak French Grand Prix-ah Zarco a chak ber. A tirah chuan 11-na aṭangin a tlan chhuak a, a hnuah phei chuan 17-naah a tlahniam hman hial, mahse lap riatna an tlan meuh chuan insiamṭha choin a tawpah a chak ta hial.

Zarco hi kum 34 mi a ni tawh a, tun ṭuma intlansiak hmachhawn zingah khan a upa ber. Khawvela bike intlansiakna sang berah hian a vawi hnih nan a chak, anmahni ramah ngei a nih bawk avangin a hlu zual ngei ang.

Zarco hnungah hian Marc Marquez a thleng. Spanish rider hian point 171 hmu tawhin rider championship hmahruaitu a ni mek. May 25, Pathianni hian Silverstone Circuit-ah British Grand Prix an tlan leh dawn a ni.